गदिमांच्या बहुरंगी आयुष्याबद्दलच्या आणि त्यांच्या सर्वस्पर्शी प्रतिभेबद्दलच्या पोटभर गप्पा आणि साथीला त्यांची लोकप्रिय असणारी भावगीते , लावण्या आणि गीतरामायण म्हणजे गदिमायन ! गेल्या वर्षी ऑस्ट्रेलिया , अमेरिका आणि गल्फमधे गदिमायनाचे अठ्ठावीस प्रयोग आनंदजींनी सादर केले आणि त्यांना उत्तम प्रतिसाद मिळाला . कॅलिफोर्नियातील सान होजे इथल्या कार्यक्रमाला तर सव्वा हजार मराठी रसिकांची उपस्थिती होती . तुम्ही "गदिमायन" ह्या शब्दावर गुगल सर्च केलत तर गेल्या वर्षीच्या गदिमायनाच्या परदेशातील कार्यक्रमांची इत्यंभूत माहिती मिळू शकेल . .