नमस्कार ! मी सध्या अमेरिकेत आहे.मी राहातो त्या ओहायो राज्यात अजूनतरी कडाक्याच्या थंडीला सुरूवात झालेली नाही. कोवळं उन , गुलाबी थंडी आणि घनदाट झाडीच्या नागमोडी वळणाच्या रस्त्यावरून फिरायला जाताना कधी सूर्याची ममताळू उब तर कधी वार्‍याची गारसर झुळूक तनामनाला सुखवून जाते. फिरायला आलेली माणसंसुद्धा " वा: आज दिवस फारच छान आहे बुवा ! अशा अर्थाचं एखादं वाक्य बोलल्याखेरीज पुढे सरकत नाहीत .
सध्या ते ऑक्टोबर आणि नोव्हेंबर महिन्यात दोन कार्यक्रम करायचे आहेत. पाच ऑक्टोबरला न्यूयॉर्कला आणि पंधरा नोव्हेंबरला टोरॅटो ( कॅनडा ) येथे ! गदिमायनच सादर करणार आहे .रामकथा सांगायचा योगही अर्थातच कधीतरी येइल.
मी सध्या माझे साडू भास्कर मराठे यांच्याकडे उतरलोय ! पवईच्या आय. आय. टी. चे पदवीधर असणारे भास्कर इथल्या "लुक " नावाच्या मोटारींचे डिझाइन तयार करणार्‍या कम्पनीत चीफ डिझायनर म्हणून काम करतात .
माझा अमेरिकेतील संपर्क क्रमांक :३३०-६६५-२३४२, भ्रमणध्वनी ३३०-२३४-०९२७