गदिमांसारख्या प्रतिभावंताच्या घरात जन्म घेणं हा खरोखरीच माझ्या पूर्वसुकृताचा भाग असला पाहिजे . लहानपणापासून ज्यांचे दर्शनसुद्धा इतरांना दुर्मिळ अशा नामवंतांचा , प्रतिभावंतांचा सहवास मला लाभला . त्यातच , किंचित का होइना पण कलाप्रांतातच वावरायची संधी मला मिळाली . या सार्‍या जवळजवळ तीस वर्षाच्या प्रदीर्घ काळात या मंडळींना मी जवळून न्याहाळलं , त्यांचे राग , लोभ ,हर्ष खेद जवळून न्याहाळले . या सार्यांची जणू रंगीबेरंगी क्षणचित्रे माझ्या मनावर उमटली .

ही अतिशय गमतीशीर आणि आकर्षक क्षणचित्रं तुम्हाला लवकरच सुरु होण्यार्‍या या सदरात वाचायला मिळतील. अट फक्त एकच ! हे वाचून उगीच काहीतरी त्यातून गहन अर्थ वगैरे काढत बसायचं नाही . वाचायचं आणि एंजॉय करायचं !