ब्रम्हचैतन्य महाराज श्री गोंदवलेकरांचे सद्गुरू श्री तुकामाई हे खरंतर श्री पांडुरंगाचे निस्सीम भक्त ! पण त्यांनी श्री महाराजांना श्रीरामाची उपासना करायला सांगितलं आणि श्रीराम जयराम जयजयराम या त्रयोदशाक्षरी मंत्राचा अनुग्रह सामान्य प्रापंचिकांना द्यायचा अधिकार दिला. सद्गुरूंच्या आज्ञेप्रमाणे श्रीमहाराज आयुष्यभर नामाविषयीच बोलत राहिले. माझ्या आयुष्यातल्या एका भाग्ययोगामुळे मी श्री महाराजांच्या जवळ आलो आणि मग त्यांचाच होउन गेलो. श्री ब्रह्मचैतन्यांविषयी  त्यांच्या एका भक्तानं लिहिलंय ..

                                 जो जाई एकवार, तो विसरे घरदार ! त्यासी देई नामसार ऐसा नाही पाहिला .

सद्गुरूंच्या नामविचारांचं सार तुम्हाला नाम घेता या सदरात वाचायला मिळेल.